நீங்கள் தேடியது "கியா இந்தியா"

கியா நிறுவனம் கடந்த ஆண்டு தனது EV5 எலெக்ட்ரிக் காரின் கான்செப்ட் வெர்ஷனை காட்சிக்கு வைத்தது. தற்போது இந்த மாடல் சீனாவில் நடைபெற்ற செங்டு மோட்டார் விழாவில் எலெக்ட்ரிக் எஸ்.யு.வி.-யாக அறிமுகம் செய்யப்பட்டு இருக்கிறது. கியா நிறுவனத்தின் மூன்றாவது எலெக்ட்ரிக் கார் மாடலாக புதிய EV5 மாடல் அறிமுகம் செய்யப்பட்டுள்ளது.

முன்னதாக கியா நிறுவனம் EV6 மற்றும் EV9 போன்ற மாடல்களை விற்பனை செய்து வருவது குறிப்பிடத்தக்கது. ஸ்டைலிங்கை பொருத்தவரை கியா EV5 தோற்றத்தில் EV9 போன்றே காட்சியளிக்கிறது. இதில் அப்ரைட் பொனெட், டைகர்-நோஸ் முன்புற தோற்றம், மெல்லிய எல்.இ.டி. ஹெட்லைட்கள், எல்.இ.டி. டி.ஆர்.எல்.-கள், ஃபிளஷ் டோர் ஹேன்டில்கள், பெரிய பானரோமிக் சன்ரூஃப் வழங்கப்பட்டு உள்ளது.

இத்துடன் ஆங்குலர் அலாய் வீல்கள், சற்றே பிரமாண்ட லேயர் பாடி கிளாடிங், ராப்-அரவுண்ட் எல்.இ.டி. டெயில் லேம்ப்கள் மற்றும் செட்-பேக் டி-பில்லர் வழங்கப்பட்டு இருக்கிறது. உள்புறத்தில் ராப்-அரவுண்ட் டிஜிட்டல் பேனல், டிஜிட்டல் டிரைவர் டிஸ்ப்ளே, இன்ஃபோடெயின்மெண்ட் ஸ்கிரீன், 64 நிற ஆப்ஷன்களில் ஆம்பியண்ட் லைட்டிங், பென்ச் ரக சீட்கள், மடிக்கக்கூடிய ரியர் சீட்கள் வழங்கப்பட்டுள்ளன.

புதிய EV5 மாடலுக்கான தொழில்நுட்ப அம்சங்கள் பற்றி இதுவரை எந்த தகவலும் இல்லை. எனினும், கியா EV6 மாடலில் இருப்பதை போன்ற அம்சங்கள் இந்த மாடலிலும் வழங்கப்படும் என்று எதிர்பார்க்கலாம். இந்த கார் RWD மற்றும் AWD என இருவித வேரியண்ட்களில் கிடைக்கும் என்று தெரிகிறது. இவற்றில் முறையே 77.4 கிலோவாட் ஹவர் பேட்டரி வழங்கப்படலாம்.

இதில் RWD வேரியண்ட் 224 ஹெச்.பி. பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன், AWD வேரியண்ட் 320 ஹெச்.பி. பவர், 605 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும் என்று எதிர்பார்க்கப்படுகிறது.

கியா இந்தியா நிறுவனம் 2023 செல்டோஸ் பேஸ்லிப்ட் மாடலை இந்திய சந்தையில் அறிமுகம் செய்து இருக்கிறது. புதிய 2023 கியா செல்டோஸ் பேஸ்லிப்ட் மாடலின் விலை ரூ. 10 லட்சத்து 89 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. 2019-இல் அறிமுகம் செய்யப்பட்டதில் இருந்து கியா செல்டோஸ் பெற்றிருக்கும் முதல் மிகப்பெரிய அப்டேட் இது ஆகும்.

புதிய செல்டோஸ் பேஸ்லிப்ட் மாடல்- டெக் லைன், GT லைன், X லைன் என மூன்று வேரியன்ட்களில் கிடைக்கிறது. இத்துடன் மூன்றுவித என்ஜின் ஆப்ஷன்கள் மற்றும் பத்து வித்தியாசமான நிறங்களில் கிடைக்கிறது. டிசைனை பொருத்தவரை செல்டோஸ் பேஸ்லிப்ட் மாடலின் முன்புற தோற்றம் புதிதாக மாற்றப்பட்டு, ரிவைஸ்டு ஹெட்லேம்ப்கள், கிரில் உள்ளிட்டவை வழங்கப்பட்டு இருக்கிறது.

பக்கவாட்டில் அலாய் வீல் டிசைன் அப்டேட் செய்யப்பட்டு உள்ளது. பின்புறம் சிங்கில்-பீஸ் டெயில் லேம்ப், ராப்-அரவுன்ட்களை கொண்டிருக்கிறது. காரின் உள்புறம் புதிய டேஷ்போர்டு, டூயல் ஸ்கிரீன்- 10.1 இன்ச் இன்போடெயின்மென்ட் சிஸ்டம், HD டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டு இருக்கிறது. இத்துடன் வேரியன்டிற்கு ஏற்ற பெய்க், பிரவுன் பிளாக் அல்லது கிரே நிற பினிஷ் வழங்கப்படுகிறது.

அம்சங்களை பொருத்தவரை கியா செல்டோஸ் மாடலில் பானரோமிக் சன்ரூஃப், டூயல் ஜோன் கிளைமேட் கன்ட்ரோல், டிஜிட்டல் இன்ஸ்ட்ரூமென்ட் கிளஸ்டர், ADAS உள்ளிட்டவை வழங்கப்பட்டு இருக்கிறது. இத்துடன் வயர்லெஸ் ஆப்பிள் கார்பிளே, ஆன்ட்ராய்டு ஆட்டோ, வயர்லெஸ் சார்ஜிங், கூல்டு குலோவ் பாக்ஸ், HUD, ஏர் பியூரிபயர், பவர் மிரர்கள், ரிவர்ஸ் கேமரா உள்ளிட்டவை வழங்கப்பட்டு இருக்கிறது.

இத்துடன் ஆறு ஏர்பேக், இபிடி கொண்ட ஏபிஎஸ், டிராக்ஷன் கன்ட்ரோல், ஐசோபிக்ஸ் சைல்டு மவுன்ட் புதிய காரின் அனைத்து வேரியன்ட்களிலும் வழங்கப்படுகிறது. 2023 கியா செல்டோஸ் பேஸ்லிப்ட் மாடல்- 1.5 லிட்டர் பெட்ரோல், 1.5 லிட்டர் GDi டர்போ பெட்ரோல் மற்றும் 1.5 லிட்டர் டீசல் என்ஜின் வழங்கப்பட்டு இருக்கிறது.

இவை முறையே 113 ஹெச்பி பவர், 144 நியூட்டன் மீட்டர் டார்க், 6 ஸ்பீடு மேனுவல் அல்லது CVT டிரான்ஸ்மிஷன், 158 ஹெச்பி பவர், 253 நியூட்டன் மீட்டர் டார்க், 6 ஸ்பீடு கிளட்ச்லெஸ் மேனுவல் அல்லது 7 ஸ்பீடு DCT யூனிட் மற்றும் 114 ஹெச்பி பவர், 250 நியூட்டன் மீட்டர் டார்க், 6 ஸ்பீடு கிளட்ச்லெஸ் மேனுவல் அல்லது 6 ஸ்பீடு டார்க் கன்வெர்ட்டர் ஆட்டோமேடிக் யூனிட் வழங்கப்படுகிறது.

கியா இந்தியா நிறுவனம் ஆந்திர பிரதேச மாநிலத்தின் அனந்தபூர் ஆலையில் இருந்து பத்து லட்சமாவது யூனிட்-ஐ வெளியிட்டு உள்ளது. இந்திய சந்தையில் இத்தகைய மைல்கல்-ஐ அதிவேகமாக எட்டிய நிறுவனங்களில் ஒன்றாக கியா இந்தியா இருக்கிறது.

இந்திய சந்தையில் ஆகஸ்ட் 2019 ஆண்டு கியா இந்தியா களமிறங்கியது. கியா இந்தியா நிறுவனத்தின் செல்டோஸ் எஸ்யுவி மாடல் இந்திய சந்தையில் கியா நிறுவனத்தின் முதல் மாடலாக அறிமுகம் செய்யப்பட்டது. தற்போது பத்து லட்சமாவது யூனிட்-ஆக கியா செல்டோஸ் பேஸ்லிஃப்ட் வெளியிடப்பட்டது.

"எங்களுக்கும், எங்களது ஊழியர்கள், நாட்டில் எங்களது பயணத்திற்கு ஆதரவு கொடுத்து, இந்திய நுகர்வோர் மத்தியில் கியா பிரான்டை கொண்டு சேர்த்த அனைவருக்கும் இது மிகப் பெரிய தருணம் ஆகும். அவர்களின் ஆதரவு மற்றும் வாடிக்கையாளர்கள் எங்கள் மீது வைத்திருக்கும் அனுப்புக்கு நாங்கள் கடமைப்பட்டு உள்ளோம். கியா இந்தியா நிறுவனத்தின் எதிர்காலம் பிரகாசமாக இருப்பதை உணர முடிகிறது."

"இந்திய சந்தையில் ஆட்டோமோடிவ் பிரிவில் சிறந்து விளங்கும் நோக்கில், புதிய தொடக்கமாக புதிய செல்டோஸ் மாடல் அறிமுகம் செய்யப்பட்டு இருக்கிறது. புதுமைகளை புகுத்துவது, எல்லைகளை கடந்து, இந்திய ஆட்டோமொபைல் எதிர்காலத்தை வடிவமைத்தலில் தொடர்ந்து அர்ப்பணிப்புடன் செயல்படுவோம்," என்று கியா இந்தியா நிறுவனத்தின் நிர்வாக இயக்குனர் மற்றும் தலைமை செயல் அதிகாரி டே-ஜின் பார்க் தெரிவித்துள்ளார்.

கியா நிறுவனம் தனது பிளாக்ஷிப் எலெக்ட்ரிக் எஸ்யுவி - கியா EV9 மாடலை கடந்த மார்ச் மாதம் சர்வதேச சந்தையில் அறிமுகம் செய்தது. முன்னதாக இந்த காரின் கான்செப்ட் மாடல் ஆட்டோ எக்ஸ்போ 2023 நிகழ்வில் காட்சிக்கு வைக்கப்பட்டது. இந்த வரிசையில், புதிய கியா EV9 மாடலின் இந்திய வெளியீடு பற்றிய தகவல் வெளியாகி உள்ளது.

அதன்படி கியா இந்தியா நிறுவனம் கியா 2.0 பெயரில் புதிய யுத்தியை அறிவித்து இருக்கிறது. அதன்படி அடுத்த சில ஆண்டுகளுக்குள், இந்திய சந்தையில் பத்து சதவீதம் பங்குகளை பிடிக்க கியா இந்தியா இலக்கு நிர்ணயம் செய்துள்ளது.

இந்த திட்டத்தின் கீழ் EV9 உள்பட பல்வேறு மாடல்களை இந்திய சந்தையில் அறிமுகம் செய்ய கியா இந்தியா முடிவு செய்திருக்கிறது. இத்துடன் நாடு முழுக்க கியா டச்பாயின்ட்களின் எண்ணிக்கையை 600-ஆக அதிகரிக்க இருப்பதாக கியா இந்தியா தெரிவித்துள்ளது.

கியா EV9 மாடலின் இந்திய விற்பனை அடுத்த ஆண்டு துவங்க இருக்கிறது. இது கியா EV6 மாடலை தொடர்ந்து இந்திய சந்தையில் அறிமுகம் செய்யப்படும் கியா நிறுவனத்தின் இரண்டாவது எலெக்ட்ரிக் கார் மாடல் ஆகும். சர்வதேச சந்தையில் EV9 மாடல் கியா நிறுவனத்தின் விலை உயர்ந்த மற்றும் மிகப்பெரிய எலெக்ட்ரிக் எஸ்யுவி மாடல் ஆகும்.

புதிய கியா EV9 மாடல் அப்ரைட் எஸ்யுவி ஆகும். வேரியண்டிற்கு ஏற்ப, இந்த காரில் மூன்றடுக்கு கேபின் வழங்கப்படுகிறது. பிஎம்டபிள்யூ, ஆடி மற்றும் மெர்சிடிஸ் பென்ஸ் எலெக்ட்ரிக் எஸ்யுவி மாடல்களுக்கு கியா EV9 பதிலடி கொடுக்கும் என்று தெரிகிறது.

கியா EV9 மாடல் 76.1 கிலோவாட் ஹவர் பேட்டரி, 99.8 கிலோவாட் ஹவர் பேட்டரி என இரண்டு வித பேட்டரி ஆப்ஷன்களில் கிடைக்கிறது. இதன் டாப் எண்ட் மாடலில் இரண்டு எலெக்ட்ரிக் மோட்டார்கள் வழங்கப்படுகின்றன. 

கியா இந்தியா நிறுவனம் தனது செல்டோஸ் பேஸ்லிப்ட் மாடலை இந்திய சந்தையில் அறிமுகம் செய்து இருக்கிறது. புதிய மிட்-சைஸ் எஸ்யுவி மாடலின் முன்பதிவு ஜூலை 14-ம் தேதி துவங்க இருக்கிறது. இதன் வெளியீடு அடுத்த மாதம் நடைபெறும் என்று எதிர்பார்க்கப்படுகிறது.

புதிய செல்டோஸ் பேஸ்லிப்ட் மாடல் X லைன், GT லைன் மற்றும் டெக் லைன் என மூன்று வேரியண்ட்களில் கிடைக்கிறது. இந்த மாடல் மேட் கிராஃபைட் எனும் பிரத்யேக நிறம் உள்பட மொத்தம் எட்டு நிறங்களில் கிடைக்கிறது.

பேஸ்லிப்ட் செய்யப்பட்ட செல்டோஸ் மாடலில் புதிய கிரில், எல்இடி டிஆர்எல்கள், டுவீக் செய்யப்பட்ட டிஆர்எல் டிசைன், புதிய பம்ப்பர்கள், 18 இன்ச் க்ரிஸ்டல் கட் கிளாசி பிளாக் அலாய் வீல்கள், எல்இடி டெயில் லைட்கள், ஃபாக்ஸ் ஸ்கிட் பிலேட்கள், ஃபாக்ஸ் டூயல் எக்சாஸ்ட் டிப்கள், எல்இடி லைட் பார் உள்ளது.

இந்த காரின் உள்புறம் 10.25 இன்ச் டிஜிட்டல் இன்ஸ்ட்ரூமென்ட் கன்சோல், 10.25 இன்ச் டச் ஸ்கிரீன் இன்போடெயின்மென்ட் சிஸ்டம், லெவல் 2 ADAS சூட், 17 இன்ச் அடாப்டிவ் டிரைவிங் வசதிகள், பானரோமிக் சன்ரூஃப், சென்டர் கன்சோல், டூயல் ஜோன் கிளைமேட் கண்ட்ரோல் வசதிகள் உள்ளன.

இத்துடன் 360 டிகிரி கேமரா, வென்டிலேட் செய்யப்பட்ட முன்புற இருக்கைகள், எட்டு வழிகளில் அட்ஜஸ்ட் செய்யக்கூடிய டிரைவர் சீட், ஆம்பியன்ட் லைட்டிங் மற்றும் புதிய ஏசி வென்ட்கள் உள்ளன.

புதிய கியா செல்டோஸ் பேஸ்லிப்ட் மாடலில் 1.5 லிட்டர் NA பெட்ரோல் என்ஜின், 1.5 லிட்டர் டீசல் என்ஜின் வழங்கப்படுகிறது. இத்துடன் 6 ஸ்பீடு மேனுவல் யூனிட், 6 ஸ்பீடு iMT யூனிட், CVT யூனிட், 6 ஸ்பீடு டார்க் கன்வெர்ட்டர் ஆட்டோமேடிக் யூனிட் வழங்கப்பட்டு இருக்கிறது.

கியா இந்தியா நிறுவனம் தனது கரென்ஸ் எம்பிவி மாடலின் 30 ஆயிரத்து 297 யூனிட்களை திரும்ப பெறுவதாக அறிவித்து இருக்கிறது. காரின் டிஜிட்டல் இன்ஸ்ட்ரூமென்ட் கிளஸ்டரில் ஏற்பட்டு இருக்கும் பிழையை சரி செய்வதற்காக இந்த ரிகால் அறிவிப்பு வெளியாகி உள்ளது.

இன்ஸ்ட்ரூமென்ட் கிளஸ்டர்-ஐ திடீரென ஆஃப் ஆனதை போன்று மாற்றிவிடும் பிரச்சினை கியா கரென்ஸ் எம்பிவி மாடலில் ஏற்பட்டு இருக்கிறது. அதன்படி ரிகால் செய்யப்படும் கரென்ஸ் மாடல்களில் டிஜிட்டல் இன்ஸ்ட்ரூமென்ட் கிளஸ்டர் சரிபார்க்கப்படுகிறது.

கோளாறை சரி செய்வதற்கான மென்பொருள் அப்டேட் வாடிக்கையாளர்களுக்கு வழங்கப்படுகிறது. இந்த பிரச்சினையில் 2022 செப்டம்ர் முதல் பிப்ரவரி 2023 வரையிலான காலக்கட்டத்தில் உற்பத்தி செய்யப்பட்ட யூனிட்கள் பாதிக்கப்பட்டு உள்ளன.

"பொறுப்புள்ள கார்ப்பரேட் என்ற அடிப்படையில், நிறுவனம் சார்பில் சீரான இடைவெளியில் உபகரணங்களை கியா சர்வதேச தரத்துக்கு இணையான முறையில் டெஸ்டிங் செய்து வருகிறது."

"ரிகால் செய்யும் வாகனங்களை ஆய்வுக்கு உட்படுத்தி, தேவைப்படும் பட்சத்தில் இலவசமாக மென்பொருள் அப்டேட் வழஹ்கப்படும். கியா இந்தியா தனது வாடிக்கையாளர்களுக்கு தலைசிறந்த பிரான்டு அனுபவத்தை வழங்குவதை குறிக்கோளாக வைத்து இருக்கிறது," என்று கியா இந்தியா வெளியிட்டு இருக்கும் அறிக்கையில் தெரிவித்து உள்ளது.

புதிய கோளாறில் பாதிக்கப்பட்ட வாகனங்களை பயன்படுத்தி வரும் வாடிக்கையாளர்களை நிறுவனம் தொடர்பு கொண்டு தகவல் தெரிவிக்கும். பாதிக்கப்பட்ட யூனிட்களை வைத்திருக்கும் வாடிக்கையாளர்கள் கியா அதிகாரப்பூர்வ விற்பனையாளர்களை தொடர்பு கொண்டு, காரை சரி செய்வதற்கான முன்பதிவு செய்து கொள்ளலாம்.

இந்திய சந்தையில் கியா விற்பனையாளர்கள் செல்டோஸ் பேஸ்லிஃப்ட் மாடலுக்கான முன்பதிவை அதிகாரப்பூர்வமற்ற மேற்கொண்டு வருகின்றனர். மாருதி சுசுகி கிரான்ட் விட்டாரா மற்றும் ஹூண்டாய் கிரெட்டா மாடல்களுக்கு போட்டியாக அமைகிறது. அதன்படி இந்தியாவில் ஜூலை 4-ம் தேதி வெளியிடப்படுகிறது.

பவர்டிரெயினை பொருத்தவரை செல்டோஸ் பேஸ்லிஃப்ட் மாடலில் 1.5 லிட்டர் NA பெட்ரோல் என்ஜின், 1.5 லிட்டர் டீசல் என்ஜின் வழங்கப்படுகிறது. இத்துடன் 1.5 லிட்டர் டர்போ பெட்ரோல் என்ஜின் ஆப்ஷனும் வழங்கப்படுகிறது. இந்த என்ஜின் பிஎஸ்6 2 விதிகளுக்கு பொருந்தும் வகையில் உருவாக்கப்பட்டு இருக்கிறது.

காரின் உள்புறம் முழுமையான டிஜிட்டல் இன்ஸ்ட்ரூமென்ட் கன்சோல், பானரோமிக் சன்ரூஃப், எலெக்ட்ரிக் பார்கிங் பிரேக், ADAS சூட் வழங்கப்படுகிறது. இத்துடன் HUD, வென்டிலேட் செய்யப்பட்ட முன்புற இருக்கைகள், 10.25 இன்ச் டச் ஸ்கிரீன் இன்ஃபோடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, டிரைவ் மோட்கள் மற்றும் வயர்லெஸ் சார்ஜிங் வழங்கப்படுகிறது.

அறிமுகம் செய்யப்பட்டதும், புதிய செல்டோஸ் பேஸ்லிஃப்ட் மாடல் மாருதி சுசுகி கிரான்ட் விட்டாரா, டொயோட்டா அர்பன் குரூயிசர் ஹைரைடர், ஹூண்டாய் கிரெட்டா, எம்ஜி ஆஸ்டர், போக்ஸ்வேகன் டைகுன் மற்றும் ஸ்கோடா குஷக் போன்ற மாடல்களுக்கு போட்டியாக அமைகிறது.

கியா நிறுவனத்தின் புதிய செல்டோஸ் பேஸ்லிஃப்ட் மாடல் வரும் வாரங்களில் இந்திய சந்தையில் அறிமுகம் செய்யப்படும் என்று தெரிகிறது. இந்த நிலையில், புதிய செல்டோஸ் பேஸ்லிஃப்ட் மாடல் டெஸ்டிங் செய்யப்படும் போது எடுக்கப்பட்ட புகைப்படங்கள் வெளியாகி இருக்கிறது.

2019 ஆண்டு அறிமுகம் செய்யப்பட்ட நிலையில், செல்டோஸ் மாடல் கியா நிறுவனத்தின் அதிகம் விற்பனையாகும் கார் மாடலாக இருந்து வருகிறது. இந்த எஸ்யுவி இந்தியாவில் அறிமுகம் செய்யப்பட்டதில் இருந்து சுமார் ஐந்து லட்சத்திற்கும் அதிக யூனிட்கள் விற்பனையாகி இருக்கிறது. முன்னதாக 2022 ஆண்டு கியா நிறுவனம் செல்டோஸ் பேஸ்லிஃப்ட் மாடலை சர்வதேச சந்தையில் அறிமுகம் செய்தது.

டிசைனை பொருத்தவரை செல்டோஸ் பேஸ்லிஃப்ட் மாடல் அதன் சர்வதேச வேரியண்டை போன்றே காட்சியளிக்கிறது. இதன் முன்புறம் மற்றும் பின்புறம் மாற்றப்பட்டு இருக்கிறது. முன்புறம் கிரில் அளவில் பெரியதாக காட்சியளிக்கிறது. இத்துடன் புதிய எல்இடி டிஆர்எல்கள் வழங்கப்படுகின்றன. பம்ப்பரும் இந்த முறை பெரிதாக உள்ளது.

பக்கவாட்டுகளில் புதிய டிசைன் கொண்ட அலாய் வீல்கள் வழங்கப்பட்டுள்ளன. பின்புறம் டெயில் லேம்ப் டிசைன் மாற்றப்பட்டு இருக்கிறது. இதில் L வடிவம் கொண்ட லைட் பார் நடுவில் உள்ள கியா லோகோ வரை நீள்கிறது. பின்புற பம்ப்பரும் சற்று பெரியதாக காட்சியளிக்கிறது. டெயில்கேட் பகுதியில் GT பேட்ஜ் உள்ளது. அந்த வகையில் இந்த கார் GT லைன் மற்றும் டெக்-லைன் வெர்ஷன்களில் கிடைக்கும் என்று தெரியவந்துள்ளது.

என்ஜினை பொருத்தவரை புதிய கியா செல்டோஸ் பேஸ்லிஃப்ட் மாடலில் 1.5 லிட்டர் NA பெட்ரோல், 1.5 லிட்டர் டீசல் என்ஜின் வழங்கப்படும் என்று கூறப்படுகிறது. இத்துடன் புதிய கரென்ஸ் மாடலில் உள்ள 1.5 லிட்டர் டர்போ பெட்ரோல் என்ஜினும் வழங்கப்படும் என்று எதிர்பார்க்கலாம். இத்துடன் பெட்ரோல் என்ஜினுடன் ஆட்டோமேடிக் CVT கியர்பாக்ஸ், டீசல் என்ஜினுடன் டார்க் கன்வெர்ட்டர் யூனிட், டர்போ பெட்ரோல் என்ஜினுடன் DCT கியர்பாக்ஸ் வழங்கப்படலாம்.

பேஸ்லிஃப்ட் செய்யப்பட்ட கியா செல்டோஸ் மாடல் இந்திய சந்தையில் ஹூண்டாய் கிரெட்டா, மாருதி சுசுகி கிரான்ட் விட்டாரா, டொயோட்டா அர்பன் குரூயிசர் ஹைரைடர், ஸ்கோடா குஷக், போக்ஸ்வேகன் டைகுன் போன்ற மாடல்களுக்கு போட்டியாக அமையும்.

Photo Courtesy: Motorbeam

கியா இந்தியா நிறுவனத்தின் செல்டோஸ் எஸ்யுவி மாடல் இந்திய விற்பனையில் ஐந்து லட்சத்திற்கும் அதிக யூனிட்களை கடந்துள்ளது. விற்பனைக்கு வந்த 46 மாதங்களில் இந்த மைல்கல் சாதனை படைக்கப்பட்டு இருக்கிறது. தற்போது இந்திய சந்தையில், கியா செல்டோஸ் எஸ்யுவி-யின் விலை ரூ. 10 லட்சத்து 89 ஆயிரம், எக்ஸ்-ஷோரூம் என்று துவங்குகிறது.

உள்நாட்டு விற்பனை மட்டுமின்றி, வெளிநாடுகளுக்கான ஏற்றுமதி வியாபாரத்திலும் செல்டோஸ் மாடல் அமோக வரவேற்பை பெற்று வருகிறது. கியா நிறுவனத்தின் ஒட்டுமொத்த விற்பனையில் செல்டோஸ் மாடல் மட்டும் 55 சதவீத பங்குகளை பிடித்து அசத்தி இருக்கிறது. இதில் உள்நாட்டு விற்பனை மற்றும் ஏற்றுமதி யூனிட்களும் அடங்கும்.

இந்தியாவில் இருந்து மத்திய கிழக்கு, ஆப்ரிக்கா, மத்திய மற்றும் தெற்கு அமெரிக்கா, மெக்சிகோ மற்றும் ஆசிய பசிபிக் பகுதிகள் என்று உலகம் முழுக்க 100-க்கும் அதிக நாடுகளுக்கு செலஸ்டோஸ் எஸ்யுவி மாடல் ஏற்றுமதி செய்யப்பட்டு வருகிறது.

கியா செல்டோஸ் மாடலின் ஃபேஸ்லிஃப்ட் வெர்ஷன் அடுத்த மாதம் இந்திய சந்தையில் அறிமுகம் செய்யப்பட இருக்கிறது. முன்னதாக இந்த கார் டெஸ்டிங் செய்யப்படும் போது எடுக்கப்பட்ட படங்கள் இணையத்தில் வெளியாகி இருந்தது.

கியா நிறுவனத்தின் முற்றிலும் புதிய EV9 மாடல் மூன்றடுக்கு இருக்கைகள் கொண்ட எலெக்ட்ரிக் எஸ்யுவி ஆகும். ஆறு மற்றும் ஏழு இருக்கை வடிவில் இந்த எலெக்ட்ரிக் கார் கிடைக்கிறது. கியா EV9 மாடல் முழு சார்ஜ் செய்தால் 541 கிலோமீட்டர்கள் வரையிலான ரேன்ஜ் வழங்குகிறது. இது WLTP பரிசோதனையில் கிடைத்த முடிவுகள் ஆகும். அன்றாட பயன்பாடுகளின் போது, வாடிக்கையாளர் பயன்படுத்தும் விதம், போக்குவரத்து நெரிசல் உள்ளிட்ட விஷயங்களின் அடிப்படையில் காரின் ரேன்ஜ் வேறுப்படும்.

இத்துடன் அல்ட்ரா ஃபாஸ்ட் சார்ஜிங் மூலம் இந்த காரை 15 நிமிடங்கள் சார்ஜ் செய்தால் அதிகபட்சம் 239 கிலோமீட்டர்கள் வரை பயணிக்க முடியும். அளவீடுகளை பொருத்தவரை கியா EV9 மாடல் 5 மீட்டர்கள் நீளமாக இருக்கிறது. கியா நிறுவனம் இதுவரை உருவாக்கியதிலேயே நீண்ட பயணிகள் வாகனம் இது ஆகும். HMG-யின் பிரத்யேக பேட்டரி எலெக்ட்ரிக் வாகன பிளாட்ஃபார்மில் உருவாக்கப்பட்ட இரண்டாவது கார் இது.

இதன் அகலம் 1980mm, உயரம் 1750mm மற்றும் வீல்பேஸ் 3100mm அளவில் உள்ளது. இதன் பூட் பகுதியில் 828 லிட்டர்கள் அளவுக்கு ஸ்டோரேஜ் வசதியை வழங்குகின்றன. இதன் 6/7 சீட்டர் மாடலில் இருக்கைகள் நேராக இருக்கும் போது 333 லிட்டர்கள் அளவுக்கு ஸ்டோரேஜ் வழங்கப்படுகிறது. இந்த எலெக்ட்ரிக் கார் ரியர் வீல் டிரைவ் அல்லது ஆல் வீல் டிரைவ் என இரண்டு வேரியண்ட்களில் கிடைக்கிறது.

இரண்டு வேரியண்ட்களிலும் 99.8 கிலோவாட் ஹவர் பேட்டரி வழங்கப்பட்டு இருக்கிறது. இதன் ரியர் வீல் டிரைவ் மாடலுடன் 150 கிலோவாட் மோட்டார் வழங்கப்படுகிறது. இது அதிகபட்சம் 350 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு அதிகபட்சம் 185 கிலோமீட்டர்கள் வேகத்தில் செல்லும் திறன் கொண்டிருக்கிறது. மேலும் மணிக்கு அதிகபட்சம் 100 கிலோமீட்டர்கள் வேகத்தை 9.4 நொடிகளில் எட்டிவிடும்.

கியா EV9 மாடலை 800-வோல்ட் அல்ட்ரா ஃபாஸ்ட் சார்ஜிங் தொழில்நுட்பத்தில் 15 நிமிடங்கள் சார்ஜ் செய்தால் ரியர் வீல் டிரைவ் மாடல் அதிகபட்சம் 239 கிலோமீட்டர்களும், ஆல் வீல் டிரைவ் வெர்ஷன் 219 கிலோமீட்டர்கள் வரை செல்லும்.

கியா இந்தியா நிறுவனத்தின் சொனெட் ஆரோக்ஸ் எடிஷன் மாடல் இந்திய சந்தையில் அறிமுகம் செய்து இருக்கிறது. புதிய சொனெட் ஆரோக்ஸ் எடிஷன் மாடலின் விலை ரூ. 11 லட்சத்து 85 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய எடிஷன் மாடல் HTX வேரியண்டை தழுவி உருவாக்கப்பட்டு இருக்கிறது.

புதிய சொனெட் மாடலில் 1.0 லிட்டர் டர்போ பெட்ரோல் மற்றும் 1.5 லிட்டர் டர்போ டீசல் என்ஜின் ஆப்ஷன்களில் கிடைக்கிறது. ஆரோக்ஸ் எடிஷன் மாடல் HTX மற்றும் HTX+ வேரியண்ட்களின் இடையில் நிலைநிறுத்தப்பட்டுள்ளது. ஆரோக்ஸ் எடிஷன் மாடலில் காஸ்மடிக் மாற்றங்கள் மட்டுமே மேற்கொள்ளப்பட்டு இருக்கிறது.

முந்தைய ஆனிவர்சரி எடிஷனை போன்றே புதிய ஆரோக்ஸ் எடிஷனிலும் பிரமாண்ட ஸ்கிட் பிலேட்கள், முன்புற பம்ப்பர், கிரில், டோர் சில்கள், ரியர் ஸ்கிட் பிலேட் மற்றும் செண்டர் வீல் கேப்களில் டேஞ்சரைன் அக்செண்ட்கள் செய்யப்பட்டுள்ளன. இதன் கிரில் பகுதியிலும் ஆரோக்ஸ் பேட்ஜிங் டேஞ்சரைன் அக்செண்டில் வழங்கப்பட்டு இருக்கிறது.

புதிய கியா சொனெட் ஆரோக்ஸ் எடிஷன் - கிராவிட்டி கிரே, அரோரா பிளாக் பியல், ஸ்பார்க்லிங் சில்வர் மற்றும் கிலேசியர் வைட் பியல் என்று நான்கு விதமான நிறங்களில் கிடைக்கிறது. HTX வேரியண்டில் உருவாக்கப்பட்டு இருப்பதால், சொனெட் ஆரோக்ஸ் எடிஷன் மாடலில் வேறு எந்த மாற்றமும் மேற்கொள்ளப்படவில்லை.

இந்த மாடலில் 8.0 இன்ச் டச் ஸ்கிரின், ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, ஆட்டோமேடிக் எல்இடி ஹெட்லேம்ப்கள், சிங்கில் பான் சன்ரூஃப், ஆட்டோமேடிக் கிளைமேட் கண்ட்ரோல், ரியர் ஏசி வெண்ட்கள், குரூயிஸ் கண்ட்ரோல் மற்றும் பல்வேறு அம்சங்கள் வழங்கப்பட்டு உள்ளன. பாதுகாப்பிற்கு நான்கு ஏர்பேக், சீட்பெல்ட் ரிமைண்டர்கள், டயர் பிரெஷர் மாணிட்டரிங் சிஸ்டம் வழங்கப்பட்டு இருக்கிறது.

சொனெட் ஆரோக்ஸ் எடிஷன் மாடலில் 120 ஹெச்பி பவர், 172 நியூட்டன் மீட்டர் டார்க் இழுவிசையை வெளிப்படுத்தும் 1.0 லிட்டர் டர்போ பெட்ரோல் என்ஜின் மற்றும் 116 ஹெச்பி பவர், 250 நியூட்டன் மீட்டர் டார்க் இழுவிசையை வெளிப்படுத்தும் 1.5 லிட்டர் டர்போ டீசல் என்ஜின் வழங்கப்பட்டு இருக்கிறது. இத்துடன் 6 ஸ்பீடு iMT, பெட்ரோல் என்ஜினுடன் 7 ஸ்பீடு டூயல் கிளட்ச் ஆட்டோமேடிக் கியர்பாக்ஸ், டீசல் என்ஜினுடன் 6 ஸ்பீடு ஆட்டோமேடிக் கியர்பாக்ஸ் வழங்கப்பட்டுள்ளது.

இந்திய சந்தையில் கியா சொனெட் ஆரோக்ஸ் எடிஷன் மாடல் ஹூண்டாய் வென்யூ, மஹிந்திரா XUV300, டாடா நெக்சான், மாருதி சுசுகி பிரெஸ்ஸா, மாருதி சுசுகி Fronx, ரெனால்ட் கைகர் மற்றும் நிசான் மேக்னைட் போன்ற மாடல்களுக்கு போட்டியாக அமைகிறது.

கியா இந்தியா நிறுவனம் 2023 EV6 மாடல் விலை விவரங்களை அறிவித்து இருக்கிறது. புதிய 2023 கியா EV6 GT லைன் மாடலின் விலை ரூ. 60 லட்சத்து 95 ஆயிரம் என துவங்குகிறது. இதன் GT லைன் AWD வேரியண்ட் விலை ரூ. 65 லட்சத்து 95 ஆயிரம் என விலை நிர்ணயம் செய்யப்பட்டு உள்ளது. புதிய EV6 மாடலுக்கான முன்பதிவு ஏப்ரல் 15 ஆம் தேதி துவங்குகிறது.

கடந்த ஆண்டு ஜூன் மாத வாக்கில் அறிமுகம் செய்யப்பட்ட கியா EV6 மாடலின் விலை ரூ. 59 லட்சத்து 95 ஆயிரம் என நிர்ணயம் செய்யப்பட்டு இருந்தது. இந்தியாவில் விற்பனைக்கு வந்திருக்கும் EV6 காரின் இரண்டாம் கட்ட யூனிட்கள் இவை ஆகும். தற்போது எத்தனை யூனிட்கள் முன்பதிவு செய்யலாம் என்பதற்கு எவ்வித கட்டுப்பாடுகளும் இல்லை.

முதலில் முன்பதிவு செய்யும் சிலருக்கு சிறப்பு சலுகைகள் அறிவிக்கப்படும் என கியா நிறுவனம் அறிவித்து இருக்கிறது. "விற்பனை மையங்கள் எண்ணிக்கையை அதிகப்படுத்தி, சந்தையில் வாடிக்கையாளர்கள் பிரீமியம் காரை வாங்குவதை உறுதிப்படுத்துவதில் அதிக கவனம் செலுத்த இருக்கிறோம்," என்று கியா இந்தியா நிர்வாக இயக்குனர் மற்றும் தலைமை செயல் அதிகாரி டே-ஜின் பார்க் தெரிவித்தார்.

இந்தியாவில் அறிமுகம் செய்யப்பட்டதில் இருந்து கியா நிறுவனம் நாடு முழுக்க 432 EV6 யூனிட்களை விற்பனை செய்து இருக்கிறது. இது கியா நிறுவனம் ஏற்கனவே திட்டமிட்டதை விட நான்கு மடங்கு அதிகம் ஆகும். தட்டுப்பாடை தக்கவைத்துக் கொள்ள கியா நிறுவனம் 12 நகரங்களில் செயல்பட்டு வரும் 15 விற்பனை மையங்கள் எண்ணிக்கையை 44 நகரங்களில் 60 விற்பனை மையங்களாக அதிகப்படுத்த இருக்கிறது.

இதுதவிர அனைத்து விற்பனை மையங்களிலும் 150 கிலோவாட் அதிவேக சார்ஜர் இன்ஸ்டால் செய்ய கியா திட்டமிட்டுள்ளது. கடந்த ஆண்டு ஜூலை மாத வாக்கில் கியா நிறுவனத்தின் முதல் 150 கிலோவாட் சார்ஜர் இன்ஸ்டால் செய்யப்பட்டது. இதைத் தொடர்ந்து 240 கிலோவாட் டிசி ஃபாஸ்ட் சார்ஜர் கடந்த ஆண்டு ஆகஸ்ட் மாத வாக்கில் இன்ஸ்டால் செய்யப்பட்டது.